„НЕКОИ МИНАТИ РАКОВОДСТВА ВО МЕПСО ИМААТ БАРАНО МИТО“: Мицкоски за состојбите во државната компанија и за испадите на мрежата

Добивај вести на Viber

Претседателот на Владата на Македонија, Христијан Мицкоски денеска на пресконфрецнија објави дека во минатото, дел од лицата кои биле на раководни позиции во МЕПСО барале и добиле мито, што според него е причина за големиот технички капацитет на мреќата. 

Премиерот дополни дека тој очекува оти наскоро ваквите тврдења ќе бидат обелоденети во јавноста. Еве ја целосната негова изјава:

- Најголемиот конзум што го има Македонија е во зима, отприлика втората половина од јануари меѓу 18 и 20 часот и тоа е 1,5 гига. Техничкиот капацитет на мрежата е двапати поголем, но во моментот има проекти и барања од 9,5 гига односно трипати повеќе од техничкиот капацитет и шест пати повеќе од тоа кое што го трошат граѓаните. Зошто? 

Затоа што некои минати раководства во МЕПСО за да издадат мислење пред инвеститорите, имаат барано мито и тоа го истражуваме. За жал, има малку докази, но мислам дека дел од овие тврдења наскоро ќе бидат обелоденети - изјави денеска Мицкоски. 

Според Мицкоски, не е точно дека има чести испади на енергетската мрежа, имало само еден испад изминатиот викенд поради надворешен фактор. 

- Зборуваме за неделата кога имаше зголелени напонски прилики на далноводот што ги поврзува Врање и Штип. Тоа значи дека наместо да има 400 киловолтна напонска состојба имаше 460 киловолтна состојба со што се активираше заштитата на мрежата и нормално е дека тој далновод се исфрла од функција - рече Мицкоски.