Нема царина за увоз на смрзнато месо - Преработувачите задоволни
Објавено во: Економија 11 Септември, 2017
Домашните преработувачи на месо се задоволни од новата одлука за укинување на царина за увоз на смрзнато месо бидејќи ќе им овозможи да бидат поконкурентни на пазарот во споредба со странските производители кои се силно застапени.
Од Групацијата за преработка на месо велат дека целта е да се стимулира домашното производство.
Царината при увоз на смрзнато свинско место за преработка, се движеше од 19, 25 и 36 проценти.
Според Групацијата, оваа мерка треба да ја смени сликата во маркетите која сега е во прилог на странските производи. Се очекува со укинувањето на царинската давачка оваа година домашните капацитети да го зголемат производството за 16.000 тони или скоро за 30 проценти повеќе од лани.
Од групацијата уверуваат дека смрзнатото месо за преработка нема да заврши во трговијата, посочувајќи дека има ригорозни казни.
Лани биле преработени 11.500 тони месо. Според податоците, само 15 проценти од месото на македонскиот пазар било од домашно производство.
Мерката ќе ја користат само регистрирани капацитети, чија бројка во моментов изнесува 50 субјекти, од кои 12 не работат. Годишно производуваат 11 илјади и 500 тони полутрајни и трајни месни производи, а на домашниот пазар му се потребни 17 илјади тони. Од вкупно преработената количина, само 15% е од домашно потекло, останатото е од увоз. Состојбата би требало да се промени по стапување на сила на оваа мерка.
Можеби ќе ве интересира
НЕ Е САМО БАЛКАНОТ: И Италија ја губи својата работна сила
ММФ: Словенија наскоро ќе ја престигне Италија и ќе се доближи до Франција
НЕМА РАБОТНИЦИ: Уште една земја од соседството ќе „увезува“ Филипинци
РЕКОРДЕРИ ВО ЕУ: Во регионот го пијат најскапото кафе
ФАКТОР АНАЛИЗА: ТОП-100 НАЈГОЛЕМИ КОМПАНИИ ПО ДОБИВКА ВО МАКЕДОНИЈА ЗА 2023 : Бехтел и Енка, Магна Мирорс, Протергиа и РЕС на листата
ГОДИНАВА ЕКОНОМСКИОТ РАСТ НЕМА ДА ДОСТИГНЕ НИ 3 ОТСТО - НБМ со најнова намалена прогноза, БДП ќе се зголеми за само 2,6 проценти
Изборите завршија, враќање на редовните колосеци - одма, сега и веднаш
„ДРАСТИЧНИ ПРОМЕНИ НА КРАТОК РОК НЕ СЕ ОЧЕКУВААТ“: еве што велат економистите по промената на власта
ОДЛИЧЕН СТАРТ НА НАФТЕНАТА КОМПАНИЈА: „Макпетрол“ за три месеци оствари чист профит од 2,2 милиони евра
