Платите на директорите на Комерцијална банка се транспарентни колку што бара законот
Објавено во: Економија 14 Јуни, 2017
Од Комерцијална банка одговорија на анализата на Фактор за примањата на членовите на управниот и надзорниот одбор кои во годишниот извештај за работењето на компанијата се наведени во бруто износ, но не и поединечно кој колку пари земал за управувањето и носењето одлуки. Според Комерцијална банка нема ништо спорно во начинот на кој е изготвен, донесен и објавен годишниот извештај, без оглед што други банки имаат различен пристап, а се раководат според ист закон за трговски друштва.
- Начинот на кој Комерцијална банка ги има објавено податоците во Годишниот извештај претставува долгогодишна практика, односно на ваков начин се известува од моментот на измена на Законот за трговски друштва (ЗТД) и досега не било доведено во прашање транспарентното известување. Овој извештај како таков ги има поминато сите нивоа на известување и одлучување, вклучувајки и негово усвојување од страна на Собранието на акционери. Во истовреме напоменуваме дека ваквата воспоставена практика не ја исклучува можноста од промена на истата и вклучување на подетални информации во Годишните извештаи во иднина, стои во одговорот на Комерцијална банка.
За Фактор значајно беше да се разоткрие „државната тајна“ колку пари зема годишно извршниот директор Хари Костов, и повеќе да се води сметка за транспарентноста на банката. Да посетиме Македонска берза на „Комерцијална банка“ и додели втора награда за најтранспарентно котирано друштво бидејќи редовно и прецизно ги извршува своите обврски со навремена објава на ценовно чуствителните информации.