НЕМА ПОВЕЌЕ БДП: Благосостојбата на граѓаните ќе ја мерат со индекс на среќа
Објавено во: Економија 22 Мај, 2020
Се воведува индекс на среќа како алтернатива на БДП.
На ваков чекор се реши Мексико.
Tие сметаат дека БДП не е добар показател за благосостојбата на граѓаните, објави претседателот Андрес Мануел Лопез Обрадор.
Овој индекс ќе се користи за мерење на економскиот раст, на нивото на нееднаквост и „среќа на населението”, а ќе го креираат луѓе од повеќе професии.
Според прогнозите на Меѓународниот монетарен фонд мексиканската економија ќе се намали за 6,6 проценти годинава.
Лани нивната економија доживеа стагнација.
Повеќе од 50 милиони граѓани во земјата со 130 милиони се сиромашни.
Мексико е втора економија во Латинска Америка.Таа од 1994 година е првата членка од Латинска Америка во Организацијата за економска соработка и развој(ОЕСР).
Земјата, полека, но сигурно го покачува приходот. Мексико се смета за една од новите индустријализирани држави.