Нема веќе руски гас за Финска
Објавено во: Економија 20 Мај, 2022
Финска веќе нема да добива руски гас.
Русија во сабота ја запира испораката на гас за Финска. Гаспром ја извести Финска дека од сабота наутро на 21 мај ќе и ја прекине испораката на природен гас, објави во денеска финската државна компанија за големопродажба на гас Гасум. Гасум одби да му плати на Гаспром во рубли.
Гасум деновиве предупреди дека Русија би можела да го прекине снабдувањето со гас поради проблемот околу плаќањата во рубљи.
Германија има алтернатива за рускиот гас. Од 2024 година Германија ќе увезува течен гас од Катар.
ЕУ планира да склучи трилатерален договор со Израел и Египет за снабдување со течен природен гас до летото, како дел од напорите да се стави крај на зависноста од Русија, напиша шефот за надворешна политика на ЕУ, Жосеп Борел на својот блог.