Неочекуван пад на малопродажбата во Германија

Добивај вести на Viber

Неочекувано големиот пад на прометот во германската малопродажба во октомври ја изгасна надежта  дека личната потрошувачка може да го ублажи  негативното влијание на кризата во еврозоната за извоз на најголемата економија во Европа. Реалниот израз на продажбата на мало падна во октомври за 2,8 отсто во споредба со претходниот месец, додека на годишно ниво падна 0,8 отсто, според прелиминарните податоци објавени вчера. Економистите анкетирани од Ројтерс очекуваа пад на месечна основа од 0,2 проценти и за 1,2 проценти во однос на октомври минатата година. -Ова е сериозено разочарување, наспроти довербата на потрошувачите која  е на високо ниво, финансиската криза се смири и берзите функционираат добро", изјави Кристијан Шулц од Berenberg банка. -Се надеваме дека прометот  во сезоната  за Божиќ се ќе надокнади. Невработеноста останува ниска, инфлацијата исто така, релните плати се во пораст.  Сето ова ветува дека ќе се зголеми потрошувачката", вели Шулц. Германија во првите две години од должничката криза во Европа се покажа генерално имуна, но новите податоци укажуваат на тоа дека нејзиниот отпор почна да се топи. . Во третиот квартал, економијата порасна само 0,2 отсто.