Неодамна си купи нова службена лимузина а сега под итно предизбори противзаконски ќе вработува

Добивај вести на Viber

Поранешниот антикорупционер кој во моментов директорува со АД Водостопанство тврди дека итно мора да се вработат над 100 лица.

Причината за вработувањата, како што наведува била потребата од работници за чистење на каналите за наводнување.

Ова е втор оглас за вработување во предизборието во таа институција а кршењето на законот и предупредувањата од страна на министерот Дамјан Манчевски изгледа не го плашат Илми Селами.

Поранешниот воен аташе во Брисел и се тоа во време на „режимот на Никола Груевски“ од пред неполна година директор на „Водостопанство“ АД, кадар на ДУИ кој знае како да се бори со корупција, искусен во воени прашања и воена дипломатија, а сега и менаџер за водните ресурси на Република Македонија тврди дека се работи за итни и неодложни вработувања.

Пред скоро еден месец, Селами се поднови со службена лимузина за 50.000 евра.

Кој е Илми Селами?

Тие со малку подолго и подобро памтење го памтат како перјаница на ДУИ во власта на ВМРО-ДПМНЕ. Во 2010 година како претседател на антикорупциската комисија кој крена многу врева за да промени државни функционери кои имаат директорски и советнички места. Тогаш беа променети само Владимир Здравев од МЕПСО и Бавчовановски од ПУИК. Кратко по таа „антикорупциска победа“ Селами беше делегиран за воен аташе во Брисел. Во 2015 година стана заменик-министер за одбрана, а пред неполна година овој политичар беше именуван за главен извршен директор на „Водостопанство“ – фирмата која оперира со воденото богатство на сите големи брани во земјава. Селами е дипломиран политиколог.

foto: sitel