Нетфликс со полош квалитет на видео во Европа за да спречи колапс на интернетот
Објавено во: Економија 20 Март, 2020
Нетфликс ќе го намали квалитетот на своите услуги за стриминг во Европа за да спречи колапс на интернетот поради невидено оптоварување како резултат на пандемија на коронавирус, пренесува Си-Ен-Ен.
Компанијата соопшти дека ќе ја намали брзината за сите нејзини стримови во наредните 30 дена, проценувајќи дека нивната содржина во сообраќајот на европските мрежи ќе се намали за близу 25 проценти, но ќе им обезбеди на членовите квалитетна услуга.
Најавата уследи по инструкциите на официјалните претставници на Европската унија дека Нетфликс и индивидуалните корисници да не користат снимки со висока резолуција, бидејќи претставуваат оптоварување што го доведуваат во прашање функционирањето на Интернет.
Оптоварувањето дојде откако државите ги спроведоа своите мерки за борба против ширењето на коронавирусите. Стотици милиони луѓе работат од дома, децата следат часови преку интернет, итн.
Европскиот официјален претставник Тиери Бретон, одговорен за внатрешниот пазар на ЕУ, разговараше со извршниот директор на Нетфликс (NFLX) Рид Хастингс во средата за услугите за стриминг кои ја оптоваруваат мрежата.
Бретон рече дека стриминг платформите, телекомуникациските оператори и корисниците „имаат заедничка одговорност да преземат чекори за да обезбедат непречено функционирање на интернетот додека се борат со ширењето на вирусот“.
Портпаролот на Нетфликс изјави за Си-Ен-Ен бизнис дека намалувањето може да значи дека некои корисници ќе „гледаат намален квалитет на видео“, додека други „нема да видат никаква промена“.
Можеби ќе ве интересира
ПОРАДИ КЛИМАТСКИТЕ ПРОМЕНИ: Колку маслиново масло произведува Шпанија?
СИНОТ НА СВЕТОЗАР, ЈАНЕ ЈАНЕВСКИ, СТАНУВА ПРЕТСЕДАТЕЛ НА УО НА „АУТОМАКЕДОНИЈА“ - и оттаму заминува Џон Илија Јоновски
НОВА ИНИЦИЈАТИВА ДО УСТАВЕН СУД ЗА УКИНУВАЊЕ НА ЧЛЕН 368 ОД ЗАКОНОТ ЗА ОБЛИГАЦИОНИ ОДНОСИ - тој е негативен за приватниот сектор
КОЛКУ ДИВИДЕНДА ЌЕ ДОБИЕ СИМОН, А КОЛКУ САШО НАУМОСКИ - прилепска „Витаминка“ го објави планот, еве ги деталите
ЦРН ДЕН ЗА ГЕРМАНСКАТА ЕКОНОМИЈА: Гигантот го прекина производството по 30 години - позната компанија ја изгуби трката со кинеска фирма
АСО ја охрабрува Владата за измени на Тарифникот за авто-осигурување
Стотици домаќинства сега продаваат струја во Македонија, интересот сепак ограничен
При кумулативен пораст на цените од 61.5 отсто, само премиите за авто осигурување се замрзнати 15 години
Дваесет години не го воведоа еврото и се спасија од рецесија
