НИ НАПРАВИЈА УСЛУГА, НЕМА МЕСТО ЗА БРЕНДОВИТЕ-ПОВРАТНИЦИ: Путин категорично-нашите производители го окупираат пазарот
Објавено во: Економија 22 Септември, 2022
Рускиот претседател Владимир Путин е многу категоричен за
евентуалното враќање на компаниите од Запад на рускиот пазар. Потсетуваме,
бројни гиганти ја напуштија Русија во изминатиот период, поради инвазијата на
таа земја на Украина.
- Странските компании кои ја напуштија Русија ќе се вратат порано или подоцна, но домашните производители мора да се погрижат да нема МЕСТО на пазарот за нивно враќање - рече Путин, нагласувајќи дека „потребен ни е домашен развој кој би бил во срцето на сè, ние мора да се стремиме кон тоа и да го направиме тоа што е можно поскоро.
- Значи, кога странските партнери ќе решат да се вратат, а тоа ќе се случи еден ден, треба нашите производители да го окупираат пазарот.
Претседателот на Русија истакна дека заминувањето на странски компании од Русија ги принуди домашните производители да развиваат свои производи.
- Нашите хејтери не ни разбираат што направиле, не натераа нас„мрзливите“ поради нашите минерални суровини да развиваме сопствени интелектуални производи и тоа е многу добро. Не можеме, се разбира, да дозволиме неуспех – рече Путин.
Тој изјави и дека монополите се непожелни бидејќи се штетни за економијата. „Недостигот на конкуренција од странство мора да се компензира со домашна конкуренција“, вели Путин.
ФОТО: EPA/MAXIM SHIPENKOV