Никнува нова скопска населба на местото на една од најголемите касарни на ЈНА
Објавено во: Економија 29 Ноември, 2018
Повторно се актуелизира никнувањето на цела една нова скопска населба на местото на касарната „Илинден“, една од најголемите во времето на ЈНА, откако општина Карпош го усвои новиот ДУП, според кој ќе се растерети од притисокот за градење во веќе висококонцентрираните урбани подрачја.
Според новиот ДУП се предвидува изградба на станбени згради со приземје, пет ката и поткровје, со височина од 21 метар, а се предвидува и изградба на ново училиште, како и објекти за потребите на Министерството за одбрана
Се работи за државното неизградено земјиште кое допрва треба да се оттуѓва преку огласи, откако претходно ниту еден инвеститор не беше заинтересиран да гради нови колективни згради на оваа локација.
Недоволните инфраструктурни зафати и непристапноста се една од главните причини за недоволниот интерес досега за вложување во нови станбени згради во касарната „Илинден“.