Никола Димитров е кандидат за технички премиер?
Објавено во: Македонија 02 Ноември, 2021
Вицепремиерот за европски прашања Никола Димитров е кандидат за технички премиер на новата Влада, прогнозира германскиот весник Франкфуртер алгемајне цајтунг (ФАЦ) во анализа пренесена од „Дојче Веле“.
Според весникот, можни се три сценарија за иднината на Македонија: Актуелното мнозинство да продолжи да владее со нов премиер; да се формира техничка Влада која ќе ја предводи земјата на одреден период; предвремени парламентарни избори.
Според ФАЦ, предвремените избори ги турка лидерот на ВМРО-ДПМНЕ, Христијан Мицкоски.
По изборите во недела, премиерот Зоран Заев објави дека си поднесува оставка поради лошиот изборен резултат. Со оваа одлука не се согласуваат неговите коалициони партнери.
фото Фејсбук