Никола Мицевски од Собрание: Прво да се донесе буџетот, па ќе побараме предвремени парламентарни избори

Добивај вести на Viber

Никола Мицевски, координаторот на пратеничката група на ВМРО-ДПМНЕ, денеска од Собранието порача дека опозицијата прво сака да ја види писмената оставка на премиерот Зоран Заев за потоа да одлучува за следните чекори.

„Тоа е Фексбук оставка, треба да ја видиме прво оставката, ние рековме дека не е време за славење, според многу предизвици, енергетската криза ќе ја зафати Македонија, влегуваме неспремни, економијата тоне, ковид пандемијата и бранот кој доаѓа ќе излезе на виделина, нешто за што ВМРО-ДПМНЕ веќе зборуваше, но за истите се разговараше со розови наочила пред јавноста од страна на владеачкото мнозинство“, рече Мицевски.

Одговарајќи на новинарско прашање, пратеникот рече дека опозицијата доколку не обезбеди парламентарно мнозинство по оставката на Заев, ќе побара предвремени парламентарни избори, но прво ќе треба да се донесе националниот вуџет за 2020.

„Ние ќе се обидеме да направиме ново парламентарно мнозинство, но доколку не успееме во тие напори, најдобро е да има нови парламентарни избори, ова мнозинство го изгуби легитимитетот.

Потребни се разговори со сите политички чинители, краток е периодот за тоа, имаме и одредени Уставни обврски, имаме влез на буџет за кој комисиски се расправа 10 дена, не се одржуваат тогаш пленарни седници, ќе биде бурен овој политички институционален период во Собранието“, додаде Мицевски.