Николоски: Кај СДСМ изборот за кандидат за претседател го прави Али Ахмети
Објавено во: Македонија 21 Февруари, 2019
Потпретседателот на ВМРО-ДПМНЕ, Александар Николоски, синоќа во телевизиско интервју изјави дека изборот за кандидат на претседател кај СДСМ го прави лидерот на ДУИ, Али Ахмети.
- На една страна народот како избор ја има професорката Силјановска Давкова, додека на другата страна, изборот го прави Али Ахмети, што не им се допаѓа ниту на членовите на СДСМ - рече пратеникот.
Според него изборот на ВМРО-ДПМНЕ во Гордана Силјановска Давкова.е најдобро решение, бидејќи како што вели тој, станува збор за личност со цврст став околу територијалната поделба и двојазичноста, како и без скандали во личниот живот, а на тоа што се работи за жена гледа како на предност.
-Во моментов го имаме најквалитетното решение кое што Република Македонија воопшто како држава може да го понуди како претседател на Република Македонија. Имаме една апсолутно стабилна личност, позната и призната во својата професија. Личност која држи до себе, не е приврзок или полтрон на било која партија. Ја критикува сега СДСМ, а во минатото и ВМРО-ДПМНЕ, изјави Николоски.