Носењето на новиот европски буџет ја раздрма Унијата

Добивај вести на Viber

Расправата во Европскиот парламент за буџетот за следната 2013 година, кои се водеа минатата недела, сепак се само вовед во полемиките кои допрва ќе се случуваат. Во Парламентот според предлогот требаше да се гласа за буџетот за 2013 година заедно со ребалансот за тековната 2012 година во која се бараат 670 милиони евра за помош за погодените од земјотресот во Италија, но и девет милијарди евра допонителни пари кои ги бара Европската Унија за задоволување на сопствените побарувања. Преговорите се прекинати бидејќи постои големо несогласување меѓу износот кој за следната година го бара Евтопскиот Парламент (137,9 милијарди евра) и износот кој Советот на министри можат да го дадат– 132,7 милијарди евра. Според тоа денеска и утре, Европската Комисија ќе биде присилена да понуди нов предлог за кој ќе се одлучува во Парламентот. Сето тоа е само вовед во преговорите за долгорочниот буџет на ЕУ поради кој е свикана и вонредната средба на врвот за начелно да се договори сумата потребна за функционирање на ЕУ во периодот 2014 – 2020 година. Станува збор за околу 1.000 милијарди евра, а ЕУ сака тие пари да ги потроши за субвенции во земјоделството, за наука и истражување, култура, индустрија и слично.