Нов играч на банкарскиот пазар во Македонија до крајот на годината
Објавено во: Економија 16 Октомври, 2018
И НЛБ банка од Скопје ќе добие нов сосптвеник до крајот на годината. Банкарскиот играч кој ќе влезе на македонскиот пазар ќе биде всушност новиот сопственик на Нова Љубљанска банка (НЛБ) од Љубљана.
Банката од Словенија и државниот словенски државен холдинг (СДХ) ја објавија вчера намерата за продажба на мнозинскиот пакет акции на најголемата словенечка банка до крајот на оваа година, по пат на иницијална јавна понуда на акции.
Намерата за прва јавна понуда на акциите на НЛБ на Љубљанската и на Лондонската берза се однесува на најмалку 50 отсто плус една акција на банката, а најмногу на 75 отсто минус една акција.
Во најголемата словенечка банка очекуваат проспектот за спроведување на иницијалната јавна понуда да се објави најдоцна на 26 октомври на порталот на Љубљанска берза, што би значело и официјален почеток на продажната постапка.
НЛБ банка од Скопје е една од најуспешните подружници на банката во регионот. продажбата на матичната фирма во Љубљана беше потреба која ја наложи Европската комисија. Досега сопственик на банката беше државата Словенија.