НОВ СКАНДАЛ ЈА ТРЕСЕ КЛИНТОН: Каква истрага покренува ФБИ за фондацијата на Клинтонови?
Објавено во: Свет 05 Јануари, 2018
Министерството за правда во САД започна истрага за тоа дали „Клинтон фондацијата“ била вмешана во корупција или други незаконски активности во текот на мандатот на Хилари Клинтон како државна секретарка.
Агентите на Федералното истражно биро (ФБИ) од Литл Рок во Арканзас, каде е основана фондацијата, отвориле истрага и интервјуирале најмалку еден сведок минатиот месец, а дополнителните активности, се очекуваат во наредните недели, објави Хил цитирајќи сведоци и претставници од полицијата.
Хил известува дека претставници, кои говореа под услов на анонимност, рекле дека истрагата истражува дали Клинтонови ветувале или пружале било какви политички услуги во замена за донација во нивната фондација или дали донаторите очекувале дека ќе направат донации во надеж дека владата ќе им излезе пресрет по одредени прашања.
„Ова го објаснува пожарот кој го имале во куќата“, коментираат на Твитер.
Истрагата можеби ќе истражува и дали некои средства кои се ослободени од плаќање данок се искористени во лични или политички цели, како и дали фондацијата исполнувала даночни обврски согласно законот.