Нова можност на рати без камата да се платат долговите кон Водовод
Објавено во: Македонија 02 Април, 2018
Граѓаните во наредниот период ќе може да склучат договори со ЈП Водовод и канализација Скопје за да ги платат своите заостанати долгови на поволен начин, на повеќе месечни рати и без никакви дополнителни камати.
„Сакаме да ги известиме граѓаните дека официјално започна акцијата која ја најавивме, односно во периодот од 02.04.2018 до 15.05.2018 година корисниците на услугите на ЈП Водовод и канализација – Скопје, кои имаат заостанат долг за вода (по основ на тужени сметки и редовени сметки) ќе имаат можност да го платат на рати и без пресметана камата за задоцнето плаќање.
Физичките лица и правни лица ќе може да го исплаќаат својот долг со склучување на договор до 24 месечни рати во зависност од висината на долгот.
Ги повикуваме граѓаните на Град Скопје кои имаат заостанат долг, да ја искористат оваа можност за подмирување на долгот на рати и без камати“ соопштија од ЈП Водовод и канализација Скопје.