Нова партија на политичката сцена - кој ја предводи?
Објавено во: Македонија 18 Март, 2018
Граѓанско Демократска Унија е новата партија на мaкедонската политичка сцена која денеска го одржа основачкото собрание.
За претседател е избран Петар Колев, кој до неодамна беше претседател на организацијата „Македонско-Бугарско пријателство“.
„Подготвен сум и ќе ја вложам целата моја енергија, познавање и визија за Граѓанско Демократската Унија да се изгради во еден силен и демократски политички субјект кој ќе претставува алтернатива на оној систем кој повеќе од четврт век не може да се справи со предизвиците во нашата татковина“ - изјави Колев.
Кажа дека новата партија ќе делува во рамки на политичката десница, блиску до центарот. Тие порачаа дека ГДУ ќе инсистира на промена на постојниот изборен модел со пропорционален модел со отворени листи, при што државата ќе претставува една изборна единица.