Нова владина кампања – ќе појаснува што нудат европските програми за образование

Добивај вести на Viber

За промовирање на европските програми наменети за образование, обуките и млади и можностите за нивно искористување започнува кампања поддржана од Министерството за образование и наука и Националната агенција за европски образовни програми и мобилност. Кампањата предвидува низа настани и активности во насока со кои граќаните ќе се запознаваат колку успешни е реализацирана програмата „Доживотно учење“, но и програмите „Млади во акција“ и „Ерзамус+ 2014-2020“. „Согласно акцискиот план за реализација на капањата предвидени се четири инфо денови за програмата „Доживотно учење“ и два инфо денови за „Млади во акција“ за кои може да се аплицира до крајот на годината, со што очекуваме искористување на средствата од досегашните 85 отсто да се зголеми на 90 проценти“, рече министерот за образование Спиро Ристовски кој апелираше да се обрне внимание на новата програма „Еразмус+“ , но и придобивките од вклучување на Македонија во европските иницијативи, мрежите Еуропас и Евридика. Првиот инфо ден ќе се одржи во Скопје на 7 ноември во спортската сала „Борис Трајковски“ за програмата „Млади во акција“, по што кампањата се сели во Кочани. За програмата „Доживотно учење“ кампања ќе има покрај во  Скопје, и во Охрид, Тетово и Кавадарци. За новата програма „Еразмус+“ пак дополнително ќе се утрврдува кога надлежните преку работилниците ќе даваат информации. Според Спировски, ќе има построги контроли и казни, за да не се повтори случајот кога Националната агенција за европски образовни програми беше поврзувана со нерегуларности при распределбата на парите од фондовите. Искористеноста на програмите Доживотно учење и Млади во акција изнесува околу 85%.