НОВИ ЦРНИ ПРОГНОЗИ ЗА БИТКОИНОТ: Што предвидува поранешниот економист на ММФ Кенет Рогоф?
Објавено во: Економија 09 Март, 2018
„Веројатноста дека цената на биткоинот во следните 10 години ќе падне на 100 долари, почнувајќи од сега, е поголема од таа дека дигиталната валута ќе достигне ниво од 100 000 долари“, изјавил професорот на Хардвард универзитетот и економист Кенет Рогоф.
Мислам дека биткоинот ќе вреди за десет години само делче од она колку вреди сега ... би рекол дека 100 долари е многу поверојатна цена отколку 100 000 долари за 10 години -рекол Рогов за CNBC Телевизија.
-Во суштина, ако на таа валута и ја одземете можноста за користење на перење пари и затајување данок, нејзината вистинска употреба како платежно средство е многу мала-додал овој поранешен главен економист на ММФ.
Иако биткоинот се поврзува со нелегални трансакции, проценките за удел на користење на дигиталната валута во нелегални активности варираат.
Шон Анстеј, коосновач и пртседател на Блокчејн Интелиџенс Гуп, оценува дека нивото на незаконски трансакции со биткоинот паднало на 20 проценти во 2016-та година и дека во 2017 билО уште „помалку од тоа“.
Рогов наведува дека државната регулатива ќе биде пресудна за пад на цените на биткоинот, но додал дека развојот на глобалната регулаторна рамка ќе бара време.
-Глобалната регулатива е навистина потребна дури и ако САД и Кина воведат строги прописи против биткоинот, а Јапонија не, луѓето и тогаш и понатаму ќе можат да перат пари преку Јапонија-објаснил тој.