НОВИ ТЕНЗИИ НА КОСОВО: Полицијата влезе во поштите на северот
Објавено во: Балкан 05 Август, 2024
Косовската полиција влезе во сите експозитури на Поштата на Србија во северно Косово.
Припадниците на косовската полиција попладнево упаднале во сите девет објекти на Поштата на Србија во четирите општини во северно Косово, населени со мнозинско српско население, објави косовскиот портал на српски јазик КоССев.
Како што јави дописникот на МИА од Приштина, дека се работи за синхрона акција во сите експозитури на српската пошта, во изјава за медиумите ја потврди и заменик началникот на косовската полиција за северниот регион, Ветон Елшани. Тој кажа дека полицајците влегле во канцелариите на таа пошта по барање на Регулаторното тело за електронски и поштенски комуникации (АРКЕП).
Како што објасни Елшани, тоа е направено по информацијата дека тие работат без лиценца и без регистрација во Агенцијата за регистрација на бизниси на Косово (АРБК), а се потврдило дека информацијата на АРКЕП е точна.
Експозитурите на Поштата на Србија се наоѓаат во општините во северно Косово населени со мнозиство Срби – Северна Митровица, Звечан, Лепосавиќ и Зубин Поток. КоССев објави фотографии од експозитурите од кои се запленети документи и по интервенцијата на полицијата истите се запечатени.
Косовските Срби често се жалат дека властите во Приштина спроведуваат терор над нив со цел етничко чистење.
Во Пасјане, најголемото српско село во Косово, се одржа протест на стотици граѓани поради неодамнешното апсење на петмина Срби кои се осомничени за наводни воени злосторства. На протестот беше кажано дека Србите биле уапсени без судски налог.
Можеби ќе ве интересира
РЕАГИРА КАБИНЕТОТ НА ВЈОСА ОСМАНИ: „За жалење“ е начинот на кој е расчистен инцидентот на скопскиот аеродром
ВО ГРЦИЈА КАЗНИ ФРЧАТ НА СИТЕ СТРАНИ: Само во Халкидики имало 1.873 пријави
ЌЕ БИДАТ ЗАТВОРЕНИ СИТЕ ОБЈЕКТИ НА „ПОШТА СРБИЈА“ ВО СЕВЕРНО КОСОВО: Србите се жалат на притисок
СЕ ДОСЕЛУВААТ АМЕРИКАНСКИ ПЕНЗИОНЕРИ: Земја од соседството е идеална за нив
РЕДАРИТЕ ИМААТ МНОГУ РАБОТА: Ги казнуваат луѓето кои „резервираат“ простор со крпи на хрватските плажи
ЕВРОПА ЗАБРЗАНО СЕ ВООРУЖУВА, НАРАЧКИ ЗА ХИМРАС ДОАЃААТ ОД СЕКАДЕ: Рекордери во вооружувањето се земји од Балканот
ВНИМАВАЈТЕ АКО СТЕ СО ВОЗИЛО ВО ГРЦИЈА: Повторно на мета се колите, се кршат прозори и се краде од нив!
„НЕ ПОСТОИ ИМУНИТЕТ ШТО МОЖЕ ДА ГО ОПРАВДА ИЗБЕГНУВАЊЕТО НА ПРОВЕРКА НА БИЛО КОЈ ПАТНИК“: Се огласи Пацоли, поранешниот косовски претседател
„НЕ Е ТАЈНА ДЕКА СЕЗОНАТА ВО ЦРНА ГОРА ПРОПАЃА“ Црногорски угостител ја раскажа сопствената приказна: Не е нормално, но мило ми е што ви се враќа
