Новинари од повеќе европски медиуми во посета на Агенцијата за аудио и аудиовизуелни медиумски услуги
Објавено во: Македонија 04 Април, 2017
Агенцијата за аудио и аудиовизуелни медиумски услуги денес беше домаќин на новинари од неколку европски медиуми, меѓу кои: радијата (Deutsche Welle – Германија; Rai3, Radio Popolare – Италија; и National Spanish radio – Шпанија), печатените медиуми (Wiener Zеitung – Австрија; La Libre – Белгија; Trud – Бугарија; Hospodarske Noviny – Чешка; Luxemburger Wort – Луксембург; Evenimentul Zilei – Романија; Altinget – Шведска; Groene Amsterdammer – Холандија; The Gardian – Велика Британија), телевизијата ORF – Австрија и новинската агенција Athens news agency – Грција. Целта на посетата на новинарите беше одблизу да се запознаат со работењето на регулаторното тело, а особено со начинот на вршење мониторинг.
На средбата беа посочени надлежностите на Агенцијата, како и активностите кои регулаторот ги презема во однос на медиумската писменост, обезбедување на достапност до медиумите за лицата со сетилна попреченост, третманот на родовите прашања, правото на одговор и исправка, и професионалните стандарди во медиумите.
Новинарите имаа можност да се запознаат и со карактеристиките на новиот систем за мониторинг на медиумските содржини - FROPS, набавен со финансиска поддршка од ЕУ преку проектот ИПА 2011. За разлика од претходно, со помош на овој систем, во седиштето на Агенцијата се примаат сигналите на сите домашни радиодифузери и оператори на јавни електронски комуникациски мрежи.
Можеби ќе ве интересира
Mаксимумот на температурата денес до 29 степени, во Скопје до 27 - но нестабилно: Ова е временската прогноза
ФАКТОР НА ДЕНОТ: Таравари најави дека до петок ќе има конечен договор со ВМРО-ДПМНЕ за формирање Влада
ТАРАВАРИ: Се очекува до петок да се постигне финален договор за формирање на Влада
OJO: Поведена постапка за насилство во училиште во Битола каде маж тепал дете, а жена му ја држела наставничката
Две обвиненија за Мерко, поставувал некомпетентни директори на училишта
ЗА ПАЛЧО СЕ ОГЛАСИЈА ОД КРИВИЧЕН СУД: Судија на претходна постапка во координација со Јавен обвинител, ќе издаде наредба за спровод за негово произнесување
Екстрадиран кондовскиот терорист Бесим Красниќи во Македонија
ЈАНЕ ПЕТКОВСКИ И ЕЛИЗАБЕТА СТЕФКОВСКА ГО НАПУШТИЈА СДСМ ВО СОВЕТОТ НА КИСЕЛА ВОДА - градоначалникот Ѓорѓиевски им изрази благодарност
