Новиот министер за култура со честење вечера стимулира изградба на театар
Објавено во: Македонија 03 Јули, 2018
Министерот за култура, Асаф Адеми, не верува дека ветениот рок за финализирање на проектот за реконструкција на албанскиот Театар во Скопје ќе биде октомври годинава. Тој вети вечера за Роска Неделковска, задолжена за надгледување на градежните активности на проектот, доколку градежните работи завршат до октомври или, како што вели таа до ноември.
Градежните активност и реконструкцијата на објектот се во завршна фаза, тврди Неделковска. Уверува дека останало само да се затворат таваните и нивното монтирање.
Во однос на тоа дали ќе има ревизија, директорот на театарот, Адем Карага, рече ќе направат такво нешто, само доколку надлежните институции сметаат дека тоа е неопходно.
Пред една година, театарот го посети поранешниот претседател на ВМРО-ДПМНЕ, Никола Груевски, заедно со тогашната министерка за култура, Елизабета Канческа-Милевска. Тогаш беше ветено дека реконструкцијата на театарот ќе заврши во 2017 година.