Објавен записникот за МНТ: „Шверцери“ направиле вкупна штета од 4.000 евра, имало и дупки од отпушоци
Објавено во: Македонија 28 Ноември, 2019
Премиерот Зоран Заев денеска на пратеничко барање во Собранието го прочита записникот од направената штета во Македонскиот народен театар од страна на навивачката група „Шверцери“ при одбележувањето на јубилејот на ФК Шкупи и објави дека вкјупната штета е 4.000 евра која ќе си ја плати одговорниот што дополнително треба да биде утврден.
Шефот на македонската Влада прочита искршени столици, наслони, пет парчиња откорнат тапацир, скршени ногарки, оштетен парапет на првата и на втората галерија, откорнати орнаменти, пштетени пет парчиња подни светилки и оштетени теписони од отпушоци.
„Има штета,. но духовната е поголема. Се знае под какви околности се користи театарот. Кога ќе поминат постапоките ќе има дел на поединечна одговорност. Одговорното лице ќе си ја плати, но одговорност ќе има и за духовната штета. Не смее материјалните и духовните добра да бидат оштетени и омаловажени. Реакцијата од јавноста е духовната болка. Во театар сакаме да видиме конзумирање на култура и вдахновение“, рече Заев од собраниската говорница.
Владата претходно формираше комисија од три члена за утврдување на штетата, а како организатор на настанот се смета дека е Министерството за култура. Директорката на МНТ претходно рече дека го одобрила овој настан откако и било кажано дека тоа ќе биде втор дел од одбележувањето на годишнината од Албанската азбука.
Можеби ќе ве интересира
ДУИ незадоволен од тоа што не е казнет полицаецот што го отстрани албанското знаме
„Оставам на обвинителството, да видиме дали овој глас ќе допре до нив и дали ќе преземат мерки“: Мицкоски за следењето
Тошковски се чуди зошто не е одреден притвор за Васко Ковачевски
Ветените 1.200 вработувања во здравството ќе се чекаат во јануари
„КАЈ НАС НЕМА ПАЦИЕНТ СО МАЈМУНСКИ СИПАНИЦИ“: директорот на Инфективна клиника вели нема простор за паника по утврдувањето на заболен во Косово
„МАНИПУЛАЦИИТЕ И ЗЛОУПОТРЕБИТЕ МОРА ДА БИДАТ САНКЦИОНИРАНИ“: СДСМ бара оставка од Ристовска од ДКСК и преиспитување на случајот со Христовски
ЈА СЛЕДЕА КОНТРОВЕРЗИ ОКОЛУ ДИПЛОМАТА, ДАЛИ Е СООДВЕТНА ЗА ФУНКЦИЈАТА - Миликије Халими не е повеќе директорка на државното АД „Аеродроми“
Левица: Вваквата партизираност на функцијата и пасивноста на ДКСК сериозно го нарушуваат кредибилитетот на институцијата
