ОБВИНЕНИЕ: Јанева добила 50 илјади евра и мебел, Јовановски ги потрошил сите пари

Добивај вести на Viber

Основното јавно обвинителство за гонење на организиран криминал и корупција денеска до Кривичен суд поднесе обвинение против Бојан Јовановски, Катица Јанева и Зоран Милевски.

Две од обвинетите лица се товарат дека сториле кривично дело „Примање награда за противзаконито влијание“ а на Јовановски му е препишано кривично дело „Перење пари и други приноси од казниво дело „. На Јанева ќе и се суди и за „Злоупотреба на службена положба и овластување“.

Боки 13 од ноември минатата година  до месец април годинава, искористувајќи ги своите добри односи со Јанева, влијаел да се изврши службено дејствие што не би смеело да се изврши во предметот со работен наслов „Империја“ за да ја олесни положбата на Јордан Камчев, сведокот кој во предметот е еден од осомничените и на кого по предлог на јавниот обвинител му било определена мерка притвор. Милевски битно придонел за извршувањето на кривичното дело со договарање на континуирани средби на Јовановски со сопругата на Камчев, а подоцна и со самиот бизнисмен.

Јанева како специјална обвинителка откако Јовановски заедно со Милевски ги добиле договорените 500.000 евра од сопругата на сведокот до Апелациониот суд – Скопје доставила предлог за определување на поблага мерка – куќен притвор за Камчев, кој предлог бил прифатен од страна на судот. По исплатата на првите 1.000.000 евра, Јанева доставила писмена согласност до судот одземениот пасош привремено да му биде вратен на сведокот.

Јанева присвоила мебел во износ од 296.040 денари и пари во износ од 50.000 евра, а за противзаконито влијание другите двајца обвинети примиле награда од 1.500.000 евра. Јаневски на почетокот на оваа година купувал за себе луксузен мебел, облека и обувки и престојувал во луксузни летувалишта – ресорти надвор од нашата земја што упатува дека ги потрошил сите пари.