Од денес се намалува лимитот за плаќање во готово

Добивај вести на Viber

Од денес стапува во сила  обврската од законот за спречување на перење пари и финансирање тероризам во кој минатата година со посебна уредба се ограничи во земјава висината на плаќањето во кеш. Односно, од денес нема да бидат дозволени кеш плаќања во вредност над 500 евра, во денарска противредност.

Ако денес планиравте да одите на пазарување на бела техника и истата ве чини 35.000 денари, нема да можете да ја платите во готово, туку само на картичка или преку уплатница во банка.

Оваа забрана ќе важи и за физички и за правни лица, а доколку се прекрши Законот, следуваат казни во износ од 5.000 до 80.000 евра. 

Токму поради тоа досега реагираа и дел од сопствениците на вакви маркети, кои тврдеа дека е можно да им се намали прометот оти прагот е низок. Своја реакција имаа и стопанските комори, но законодавецот не попушти. Од министерството за финансии велат дека преку оваа мерка ќе се заштитат трговците и државата од пуштање во промет на пари со сомнително потекло и да се намали сивата економија, а граѓаните во кеш да купат само нешто ситно.

 Во јануари годинава сумата прво се спушти од 2.000 евра на 1.000 евра, а од денес тој праг ќе се намали на само 500 евра.