Од денеска нова тура на референдумска кампања
Објавено во: Македонија 10 Септември, 2018
Од денеска, според законскиот рок, започнува официјалната кампања на Собранието на Република Македонија за излезност на референдумот на 30 сепетември како негов официјален предлагач.
Кампањата за граѓанското изјаснување траеше и до сега но преку неофицијални форми, но и преку други официјални извори кои не се носители.
Претседателот на Парламентот Талат Џафери во петокот најави дека ќе ја водат кампањата транспарентно, непосредно и директно, без дискриминација, предрасуди и со почитување на волјата на секој граѓанин.
Во кампањата на Собранието ќе се вклучат 71 пратеник од сите пратенички групи, со исклучок на опозициската ВМРО-ДПМНЕ која го известила Џафери дека нема да учествува во кампањата и дека бара средствата да бидат потрошени за други цели.
Собранието ќе откупи простор во некои од 65–те медиуми кои до 10 август доставиле ценовник до Државната изборна комисија за референдумот. Медиумскиот план ќе биде објавен на веб-страната на Собранието и пратениците ќе ја реализираат кампањата на телевизиите и радијата и за претставување на своите ставови ќе имаат девет минути во еден час.