Oд оваа земја ќе избегаат третина од компаниите
Објавено во: Економија 03 Февруари, 2019
Oткако Британија и официјално ќе си замине од Европската унија, многу компании ќе се збогуваат со неа.
Една третина ќе го преземат овој чекор. Анкета меѓу директорите на 1.200 британски компании покажува дека скоро една третина од нив може да ги пренесат своите активности во странство поради Брегзит.
Помалите компании обично имаат поограничени ресурси и за нив „да мислат за таков скап начин на дејствување јасно ја покажува несигурната позиција, во која се наоѓаат“.
Британскиот парламент гласаше неделава со цел премиерката на Велика Британија, Тереза Меј да има повеќе време за да се обиде да постигне компромис со ЕУ.
Владата одби да ја исклучи варијантата за напуштање на ЕУ без договор.
Британците складираат сладоледи во пресрет на Брегзит, затоа што стравуваат дека ќе им снема.
Британско-холандскиот производител на стока за широка потрошувачка „Унилевер“ објави дека ги зголемува залихите на сладоледи „Магнум“ и „Бен енд Џери“ пред најавениот излез на земјата од Европската Унија.
Извршниот директор на „Унилевер“, Алан Џоп, изјавил дека фирмата има големи залихи во случај да дојде до прекин на каналите за снабдување. Фабриката на „Унилевер“ во Лидс снабдува сладоледи за речиси цела Европа.