Од Софија бараат македонските политичари во иднина да не ја користат „бугарската карта“ за спротивставувања
Објавено во: Македонија 01 Ноември, 2021
Не успеа антибугарската кампања во Скопје, реагира официјална Софија откако заврши и вториот круг од локалните избори во земјава.
Од бугарското МНР велат дека очекуваат неуспехот на антибугарската кампања да биде поттик за политичарите во иднина да не ја користат „бугарската карта“ за политичките спротивставувања во Македонија.
„Бугарската страна се воздржа од итна реакција бидејќи не сакаше да се вклучи во предизборната полемика во Република Северна Македонија. Оваа конзистентна позиција на немешање во политичките процеси во нашата соседна земја не значи дека ја прифаќаме континуираната дискриминација и говорот на омраза кон граѓаните на Република Северна Македонија, кои на некој начин се поврзани со Република Бугарија и бугарскиот народ“, пишува во соопштението на бугарското Министерство за надворешни работи (МНР) објавено еден ден по локалните избори во Македонија.
Во текот на кампањата, СДСМ, ја обвини Данела Арсовска, која вчера победи во Скопје, дека поседува бугарска лична карта. Таа ги отфрли овие тврдења и најави тужби.