ОДВ Електрик го отвори погонот: Ќе се произведуваат жичани инсталации за автомобилски брендови како Порше, Мерцедес, БМВ

Добивај вести на Viber

ОДВ Електрик вчера свечено ги отвори вратите.

Во ТИРЗ Охрид/Струга ќе се произведуваат жичани инсталации за автомобилски брендови како Порше, Мерцедес, БМВ, Фолсваген .

Дел од отворањето беше и вицепремиерот за еконoмски прашања Кочо Анѓушев кој посочи дека компании како ОДВ Електрик се добродојдени во државата.

Веќе четири странски компании исто како ОДВ Електрик произведуваат  кабли за автомобилската индустрија во Македонија па оттука Анѓушев гледа можност за соработка меѓу странските компании и домашните при што во случајот домашна компанија би можела да ги снабдева со репро материјали овие компании.

Така како што посочи Анѓушев би се споиле ланецот на производство и ланецот на набавки, а македонската економија би имала поголеми придобивки. 

Во поглед на истата инвестиција, екс премиерот Груевски на социјалните мрежи пишува дека ова е инвестиција од неговата влада.

Груевски во постот се сеќава на долгите преговори со преставниците на германскиот бренд во автомобилската индустрија ОДВ Електрик кои финиширале во Битола во хотелот Епинал 2014 година. 

Инвестиција е од 5 милиони евра во новиот производствен погон во Зоната, на површина од 4 ипол илјади метри квадратни а подоцна се планира негово проширување на површина од 9 илјади метри квадратни со целокупната вредност на инвестицијата од 15 милиони евра според најавеното.