ОЕЦД: Најмногу доктори-странци во Ирска, најмалку во Турција
Објавено во: Економија 25 Ноември, 2018
Ирска е земјата со најголем број на доктори од странство, односно на лекари кои потекнуваат од друга земја или биле на обука и работа таму, покажа истражувањето на ОЕЦД, економското здружување на демократските земји.
Такви во Ирска се дури 39,1 отсто, а биску се и скандинавските земји. На второ место е Норвешка со 38,1 отсто странски доктори, додека во Шведска 27,1 отсто. Во Швајцарија, 27 проценти се странци, додека во Велика Британија ги има 26,9 проценти.
Меѓу испитуваните држави, Турција има најмалку странски лекари, или само 0,2 проценти. Во Италија, тие исто така се малку и нивниот број изнесува само 0,8 проценти.
Иако очекувањата се процентот да биде голем и во двете најголеми земји-двигатели на ЕУ - Германија и Франција, таму е релативно низок од 10,3, односно 10,4 отсто.