ОЈО ја истражува смртта на Крпач - мобилниот не успеале да го декодираат

Добивај вести на Viber

Мобилниот телефон „сони“ на Коста Крпач според јавното обвинителство, ниту еден домашен експерт не успеал да го „отвори“, да го декодира за да може ОЈО да види со кого Крпач комуницирал.

Крпач кој беше сопственик на фирмата Финзи која во име на УБК купила прислушна опрема од Велика Британија се самоубил, но не се знае кој му се заканувал после полицискиот претрес кој бил извршен во неговиот дом на 6 април годинава, велат од Основното јавно обвинителство (ОЈО). 

Истрагата открила дека на 7 април бил повикан на сослушување во СЈО, каде тврдел дека некој му се заканува.

Обвинителството тврди дека СЈО досега дало одредени податоци, од кои дел биле проверливи, а дел непроверливи. Инсистираат СЈО да ги достави и бараните податоци од Записникот.

Во досегашната истрага Обвинителството испитало 19 лица, од кои 10 се овластени службеници во МВР, а 9 лица поврзани со Крпач, вклучително и бизнис партнери, чии имиња не ги соопштуваат. Сведочела и сопругата на Крпач која кажала за настанатите промени во неговото расположение, но не дала исказ дали и какви закани тој трпел. Сведочел и сопственикот на комбето кое за време на инцидентот било паркирано спроти зградата и било заклучено дека нема никаква поврзаност со самоубиството.

Коста Крпач беше пронајден мртов во неговиот стан на 27 април.