ОКТА и Хеленик Петролеум ќе стипендираат тројца македонски студенти за постдипломски студии на Универзитетот во Пиреја, Грција
Објавено во: Мои пари 04 Септември, 2019
Тројца македонски дипломци денеска во седиштето на ОКТА, потпишаа договор со кој компанијата ОКТА и Групацијата Хеленик Петролеум им доделуваат стипендии за постдипломски студии на Универзитетот во Пиреја, Грција. Двајца од нив, Ѓорѓи Калпакоски и Марио Менчовски добиваат целосна стипендија, во која покрај платените студии, вклучени се и трошоци за живот во висина од 1.000 евра месечно, додека Ангелчо Панов ќе добие делумна стипендија која што ја покрива школарината за универзитетот.
Стипендиите за постдипломски студии се дел од програмата Енергија: стратегија, право и економија, којашто е единствена магистерска програма од ваков вид во Југоисточна Европа и поле каде тројцата стипендисти ќе го надградат своето знаење и експертиза. На конкурсот, кој беше објавен во мај, од земјава се пријавија 14 кандидати, а изборот на добитниците на стипендија го направи стручна комисија во рамките на Универзитетот во Пиреја врз основа на образовните и професионални квалификации на кандидатите.
Со доделувањето на овие три стипендии и годинава продолжуваат проектите на ОКТА и Хеленик Петролеум за поддршка на образованието и развојот на младите луѓе во земјава.
Групацијата Хеленик Петролеум трет пат по ред доделува вкупно 25 стипендии за постдипломски студии во Грција на студенти од земјите во кои е присутна (Грција, Кипар, Црна Гора, Србија, Македонија и Бугарија). ОКТА годинава ќе поддржи уште десет студенти од земјава со доделување стипендии за постдипломски студии на пет факултети на Универзитетот „Свети Кирил и Методиј“.
Можеби ќе ве интересира
Проширување на хоризонтите за трговија и инвестиции: мисијата на WTCA во Европа и Западен Балкан
В НЕДЕЛА СИТЕ НА ВОДНО – ДАЛИ СТЕ ПОДГОТВЕНИ ЗА НАЈМАСОВНИОТ ПЛАНИНСКИ НАСТАН ВО РЕГИОНОТ „SPARKASSE LIFE ПРВ ДО ВРВ“?
Гранд Скопјe PRIME SPONSOR на овогодинешната Конференција за недвижности
Промотивен станбен кредит на Силк Роуд банка со фиксна каматна стапка за 10 години
Лирски почеток на „Видик“ со фузија на поемата „Коњски житија“ и боса нова ритамот на „Акварела“
БЕКУТАНОВА РАБОТИЛНИЦА ЗА РОДИТЕЛИ: Секој маж може да стане родител, но не може секој да биде ТАТО
TTK Банка АД Скопје по втор пат ја зголеми основната главнина преку скрип емисија на нови акции по пат на приватна понуда
ВТОР ДЕН ОД САМИТОТ НА МАКЕДОНИЈА2025: Дигитализацијата и елиминирање на корупцијата - предуслови за забрзан економски раст
Македонски Телеком со најголеми просечни брзини и најдобри резултати за вкупните перформанси на мрежата
