ОН: Бројот на бегалци во светот достигна рекордни 70 милиони луѓе
Објавено во: Свет 19 Август, 2019
Обединетите нации соопштија дека бројот на бегалци во светот го достигна рекордот. Во моментот според ОН, 70 милиони луѓе се водат како бегалци, број којшто не е забележан уште од втората светска војна.
Пред светскиот ден на хуманитарноста, во соопштението на германскиот огранок на УНХЦР, се наведува дека луѓето бегаат од војните, прогонот и последиците од глобалното затоплување.
Минатата година биле убиени или повредени 12.000 деца според хуманитарната организација СОС Детско село. Илјадници биле киднапирани, дел од децата станале војници а стотици илјади од децата се со сериозни трауми.
Податоците на хуманитарната организација покажуваат дека најголем број убиени или повредени деца се регистрирани во Авганистан, Сирија и Јемен.