ОН: На светот му се заканува климатски апартхејд - каде ќе бегаат богатите?
Објавено во: Свет 25 Јуни, 2019
Kлиматски апартхејд му се заканува на светот.
Тоа значи дека богатите ќе купуваат излез од најлошите ефекти од климатските промени, а сиромашните ќе ги трпат најтешките последици. Ова се наведува во извештај објавен од ОН.
„Преголемо потпирање на приватниот сектор може да доведе до сценарио на климатски апартхејд во кој богатите ќе плаќаат за да избегнат прекумерна топлина, глад и конфликти, додека останатиот дел од светот ќе биде препуштен на страдање“, пишува специјалниот известувач на екстремна сиромаштија, Филип Алстон.
Како пример ги споменува ранливите њујорчаните кои останале без електрична енергија и здравствена заштита во 2012 година при удрот на ураганот Сенди, а од друга страна седиштето на компанијата „Голдман Сакс“ било заштитено со десетици илјади вреќи со песок и имало струја обезбедена од сопствени генератори.