Оштетувања на мозокот имаат децата затруени на јахтата на Хвар
Објавено во: Балкан 15 Август, 2019
Затруените деца на јахтата на Хвар имаат оштетувања на мозокот.
Шест Италијанци меѓу кои и две деца на возраст од 5 и 14 години се во индуцирана кома откако вдишале јаглероден моноксид од неисправно наместениот генратор на јахтата, на која почина 57 годишен бизнисмен од Сицилија.
Италијанците вечерта биле на Хвар на вечера, а потоа легнале да спијат во јахтата. Околу полноќ се разбудиле со силен нагон за повраќање и главоболки. Градоначалникот на едно сицилијанско гратче Бруно Манкузо, кој е еден од настраданите и се опоравува во болницата во градот Сплит вели дека имал страшни болки, а потоа го видел својот пријател Еугенио Винчи како лежи без свест во тоалетот.
Винчи починал иако повикале помош, а децата се во критична состојба со тешки оштетувања на мозокот. Во болницата во Сплит каде што се сместени затруените Италијанци има полиција и од Италија.
Хрватската полиција ги уапси сопственикот и капетанот на бродот кои подоцна се пуштени да се бранат од слобода до почетокот на судскиот процес.
Хрватите се товарат дека на 8. август без техничко знаење нестручно вградиле агрегат за струја од каде излегувал гас, кој се раширил во патничките кабини и предизвикал смрт на еден патник и тешко труење на останатите петмина.