Ова е најстариот човек на светот со 146 години

Добивај вести на Viber

Индонезиецот М’бах Готхо или познат и како Содимеџо, на чијашто лична карта пишува дека е роден на 1870 година, на 31-ви декември 2016 година го прославил 146-от роденден. 

Матичната канцеларија на покраината Јава потврди дека податоците за раѓањето на М’бах Готхо се точни. 

Живее во мало село во индонезиската покраина Јава, а на луѓето им порачува дека клучот на долговечноста е во трпението.

Досега титулата на потврдено највозрасното лице на светот, која кога и да е живеела на Земјата, официјално потврдено, е Французинката Жан Луиз Калман, која почина во 1997 година на возраст од 122 години.

Готхо, кој роденденот го прославил со внукот Сурјанта и сопругата Суварни, ги надживеал сите десет браќа и сестри, четири претходни сопруги и многу од своите деца, пишува британски The Independent..

Скромната прослава со семејството и соседите е одржана во неговиот дом во селото Сраген. М’бах Готхо се насмевнувал додека му ја пееле роденденската песна, а според локалните медиуми, успеал одеднаш да изгасне со дување сите три свеќички со бројки 1,4 и 6 на роденденската торта.

Кога го прашуваа да им ја каже тајната на долговечноста, Готхо одговорил дека единствен рецепт е трпението. На новинарите им раскажувал дека за смртта почнал да се подготвува уште во 1992 година, кога нарачал да му направат надгробна плоча, но и 24 години по тоа уште е жив.