ОВА ЈА ПЛАШИ СИРИЗА: Koѕијас одмора на остров и пишува книга за Договорот од Преспа
Објавено во: Балкан 20 Август, 2019
Eкс шефот на грчката дипломатија, Никос Коѕијас во својата викендичка на грчкиот остров Алонисос, пишува книга посветена на Договорот од Преспа.
Коѕијас од почетокот на летото е на Алонисос, а ќе остане таму до септември, каде што изолиран од сите, работи на неговата нова книга, која би требало да биде готова до крајот на годинава, објави МИА.
Информативниот портал „Њузбист“ коментира дека во СИРИЗА постои страв дека книгата може да открие каква улога одиграле одредени личности, но и дека може да изнесе на виделина настани што можеби „би ја ставиле во опасност националната безбедност“. Но, останува енигма дали ќе биде објавен и дописот со оставката на Коѕијас до тогашниот премиер Алексис Ципрас.
Најверојатно книгата прво ќе биде објавена на англиски, а потоа и на грчки јазик.