Пад на надворешно-трговската размена на Црна Гора

Добивај вести на Viber

Вкупната надворешно-трговска размена на Црна Гора, за седум месеци, според првичните податоци, изнесува милијарда и 246,9 милиони евра, што укажува на пад од 2,5 отсто во однос на истиот период лани. Извезена е роба во вредност од 227,3 милиони евра, што е за 6,3% повеќе од првите седум месеци во 2012 година. Увозот изнесува милијарда и 19,6 милиони евра, што е 4,3% помалку во однос на истиот период лани. Покриеноста на увозот со извозот изнесува 22,3% и е поголема во однос на покриеноста во истиот период минатата година, кога истата изнесувала 20,1%. Главни надворешно-трговски партнери, поединечно, во извозот, биле Cрбија 87,3 милиони евра, Хрватска 31,1 милиони евра и Cловенија 24,9 милиони евра. Во увозот, главни надворешно-трговски партнери, поединечно, биле Cрбија 286,4 милиони евра, Кина 90 милиони евра и Грција 82,7 милиони евра. Надворешно-трговската размена била најголема со потписниците на ЦЕФТА и ЕУ.