Паника меѓу Русите: Пребаруваат на Интернет трикови како да се скрши рака за да избегнат мобилизација

Добивај вести на Viber

Покрај тоа што избезумено купувале авионски билети за да ја напуштат Русија поради делумна мобилизација, руските жители на Гугл истражувале како да си ги скршат рацете и на тој начин да ја избегнат мобилизацијата.

Владимир Путин и воените претставници во телевизиското обраќање на национално ниво рекоа дека до 300.000 резервисти веднаш ќе бидат повикани да се борат во Украина.

Путин, исто така, го предупреди НАТО дека нема да се двоуми да употреби нуклеарно оружје, предупредувајќи дека Русија има „различни средства за уништување“ и дека ќе ги „користи сите средства што и се на располагање“ доколку биде загрозен „територијалниот интегритет“ на Русија.

Два часа по говорот, Гугл пребарувањата за „како да се скрши раката дома“ се зголеми во нацијата, брзо искачувајќи го рејтингот од нула на 38 од 100 во податоците за трендовите на пребарувачите, според Њујорк пост.

Податоците на Google, исто така, покажаа пораст на пребарувањата за Aviasales, најпопуларната веб-страница за резервации на летови во земјата, Русите побрзаа да купат авионски билети.

Директните летови и линиите со постојки од Москва до Турција и Ерменија - каде што Русите можат да влезат без виза - беа распродадени до недела, според Aviasales.

Најевтините летови до Дубаи скокнаа на 5.000 долари - или околу 300.000 рубли.

Кремљ не соопшти дали на регрутите ќе им биде забрането да патуваат во странство, а немаше ограничувања во неколку часа по објавувањето на драстичните воени мерки.

Мобилизацијата, прва на Русија по Втората светска војна, доаѓа откако украинските сили ја вратија провинцијата Харков, навлегоа во Луганск и ги принудија Русите да се повлечат во последните недели, означувајќи срамни порази за многу поголемата руска војска.

Фото: printscreen - Твитер