ПАРИТЕ СЕ ОД ЈАПОНИЈА - фирми, од среда навалете на новите бескаматни кредити

Добивај вести на Viber

Веќе од среда, 29 април, микро, малите и средните компании од сите дејности погодени од кризата ќе можат да аплицираат за КОВИД 2 линијата бескаматни кредити од 8 милиони евра. 

„Ова ќе биде значајна ликвидносна инјекција и помош за фирмите. Ова ги опфаќа сите дејности погодени од кризата, и има олеснети услови и начин за аплицирање“, рече министерката за финансии Нина Ангеловска. 

Средствата за овие кредити се обезбедени од компензационите фондови од Јапонија. Традиционално имаме добри односи и досега сме имале поддршка од Јапонија во повеќе сфери, за што сме благодарни, нагласи првата финансиерка. 

Бескаматните кредити кои од 29 април ќе им станат достапни на фирмите се за зачувување на работните места и за заштита на ликвидноста на фирмите. Тие се дел од вториот сет владини економски мерки.

Оваа втора линија бескаматни кредити следува по првата која беше 5,7 милиони евра и беше наменета за најпогодените три сектори, туризам, транспорт и угостителство. Според министерката, за првата линија имаше исклучително голем интерес. Одобрени се апликации на 254 компании во износ од 2,2 милиони евра, со 3.000 вработени лица. 

„Интересот за бескаматни кредити е многу поголем, тка што КОВИД 2 линијата доаѓа во вистинско време. Таа е наменета за сите дејности. Максималниот износ на кредитот е 90 илјди евра и е за три пати повисок од првата линија. Минималниот износ е 3.000 евра. Сумата за секоја фирма ќе се одредува спрема бројот на вработени кој компанијата го имала заклучно со 31 јануари, така што минималната плата ќе се помножи со бројот на вработени и со три месеци. Ова е со цел да се заштитат работните места“, рече Ангеловска. 

Трошоците за аплицирање кон Развојната банка нема да се плаќаат.

Рокот на отпалата е до три години, со вклучен грејс период до 12 месеци, а обезбедувањето е со меница.

Н.Н.Ф.