Партиите ги добија редните броеви на гласачкото ливче
Објавено во: Македонија 19 Септември, 2017
На локалните избори СДСМ ќе настапи под редниот број 19, а ВМРО-ДПМНЕ ќе се најде под бројот 7 на гласачкото ливче.
Овластените претставници на подносителите на листи на денешната седница на Државната изборна комисија ја извлекоа жрепката за редните броеви под кои ќе настапат политичките партии и независните кандидати на претстојните локални избори, што ќе се одржат на 15-ти октомври.
Први на изборната листа ќе бидат Социјалдемократската партија на Македонија, Партијата за демократски просперитет на број 17, партијата на Амди Бајрам, Сојузот на Ромите ќе се најде на број 18.
Алијансата на Албанците ќе настапи под бројот 9, УНИТЕТИ и НДП под редниот број 2, Коалицијата на ВМРО-ДПМНЕ под 13, движењето БЕСА под број 14, ДУИ на избирачкото ливче ќе се најде под реден број 3, ДПА ќе биде под број 15, ГРОМ под број 12, Левица е на реден број 16, НДМ на Јанко Бачев, ќе се најде под реден број 6.
ДУИ, БЕСА и Алијансата за Албанците на изборите ќе настапат заедно на две места, во Охрид и Битола, под број 4.
Во трка за градоначалничките места влегуваат 20 политички партии и коалиции со утврдени листи и 63 независни кандидати.