Партијата на Бошкоски бара ослободување на Горан Стојков
Објавено во: Македонија 17 Декември, 2021
Партијата на екс министерот за внатрешни работи, Љубе Бошкоски бара ослободување на Горан Стојков.
Обединети за Македонија соопшти дека апсењето на поранешниот командант на расформираната единица „Лавови“, Горан Стојков е крајно изненадена од двојните аршини и тоа велат дека асоцира на селективност.
„Апелираме до правните лица кои го водат случајот, истиот да биде отворен повторно, бидеќи процесот е започнат во 2013 година за време на режимското владеење на бегалецот Груевски. Не смееме да дозволиме ниту еден бранител и патриот да ги трпи последиците од едно режимско владеење“, стои во дописот од Обединети за Македонија.
Тој е уапсен вчера. Поранешниот командант на расформираната единица „Лавови“, Горан Стојков, ќе одлежува една година казна затвор за дело од 2001, велат последните информации.
Стојков во 2016 ја одлежа затворската казна од 3 години и 3 месеци за случајот „Шпион“.