Пендаровски: Дали ќе се враќаме на старата дебата од 1991 за тоа дали ќе одиме на запад или исток?
Објавено во: Македонија 18 Август, 2023
Со денешното гласање, како што вели претседателот Стево Пендаровски, опозицијата потврди дека концептот на Европската унија во Македонија пропадна и тоа е срамно и погубно бидејќи земјата одамна има утврдено во која насока сака да се движи. Тој во гостувањето за ТВ Сител кажа дека единствениот пат таму е токму преку носењето на уставните измени.
„Што е друга алтернатива на ЕУ? Неврзаните или неутрални да бидеме? Која е алтернативата, ќе прави ли Мицкоски двотретинско мнозинство со истите политички структури и дали ќе се враќаме на старата дебата од 1991 за тоа дали ќе одиме на запад или исток?”, рече Пендаровски.
Тој смета дека тоа што земјата го има на маса е нешто што е најдобро и не може да поверува како опозициската ВМРО-ДПМНЕ се „мајтапи” со францускиот предлог кој дојде од една од најмоќните земји во унијата и го нарекува бугарски диктат. Инаку, денеска имаше седница во Собранието и се говореше за уставните измени. ВМРО-ДПМНЕ е против внесување на Бугарите во Уставот.