Пензиите предвреме, производите поскапени
Објавено во: Македонија 23 Април, 2021
Пензионерите ќе ги добиваат етапно во зависност од висината на пензијата, но исплатата почнува од понеделник, од 26 април. Станува збор за предвремена исплата а се прави веќе од стартот на пандемијата за да не се создаваат гужви во банките и на шалтерите односно, како што велат од Министерството за труд и социјална политика, со цел да се овозможи поголема заштита на пензионерите во услови на опасност од коронавирусот ковид-19. Овој и претходниот месец регистрирано и зголемување на цените на основните производи, на маслото за јадење, лебот и на дел од лековите.
– За пензии со висина до 11.000 денари, исплатата да се изврши на 26.4.2021 година (понеделник);
– За пензии со висина 11.001-14.000 денари, исплатата да се изврши на 27.4.2021 година (вторник);
– За пензии со висина 14.001-18.000 денари, исплатата да се изврши на 28.4.2021 година (среда);
– За пензии со висина над 18.001 денари, исплата да се изврши на 29.4.2021 година (четврток).
Пензионерите кои користат платежна картичка, поврзана со сметката на која се префрлува пензијата, со парите можат да располагаат од 26 април.