Пензионерите од Македонија преку сојузот побараа први да се вакцинираат против Ковид-19
Објавено во: Македонија 04 Декември, 2020
Сојузот на здруженија на пензионери упати јавно барање до државата оваа категорија на граѓани да има приоритет при вакцинирањето против КОВИД-19.
Од организацијата која ги застапува македонските пензионери сметаат дека тоа треба да е така поради тоа што се најранлива категорија лица со хронични болести и намален имунитет.
-Во име на над 300 000 возрасни луѓе во нашата земја алелираме пензионерите да имаат приоритет за вакцина против КОВИД 19, како што е во сите земји во опкружувањето и пошироко во целиот свет, се вели во соопштението на Сојузот.