Пешевски: Македонија треба да се гордее на извештајот на „Дуинг бизнис“

Добивај вести на Viber

Вицепремиерот за економија Владимир Пешевски посочи дека најновиот извештај на „Дуинг бизнис“ е историски успех за македонската економија и е доказ за посветеноста на владата за економските реформи.

- Овој континуиран напредок е резултат на напорна и координирана работа при што се спроведоа над 30 системски реформи со кои се олесни работата на сите оние кои водат некоја компанија, драстично се намалија административните процедури и времето за спроведување одредени постапки, истакна Пешевски.

Политичката криза не изостана од говорот на Пешевски кој смета дека Македонија може многу подобро.

- Овие резултати можеа да бидат и подобри доколку во овие десет години, а особено во последните две, не ни се испречија неколку многу комплексни ситуации, кои го забавија процесот на спроведување на реформите, на еден или на друг начин, потенцира Пешевски. 

Македонија се најде на 5-то место во Европа или вкупно 10-то во свет за подобрувањата во повеќе административни и легислативни критериуми за започнување и водење бизнис, како што се регистрација, добивање на дозволи, поволната даночна политика и други сегементи. 

Сепак, економските критичари посочуваат дека извештајот ги зема во предвид само законските рамки, а не и нивното спроведување и реалните проблеми на терен.