ПЕТ СРЕДНИ УЧИЛИШТА ВО СКОПЈЕ ДОБИЛЕ ДОЈАВА ЗА БОМБА, учениците евакуирани, се вршат антитерористички проверки

Добивај вести на Viber

Учениците во пет средни училишта во Скопје се евакуирани, откако дел од најголемите средни училишта во главниот град добиле заканувачки пораки на електронска пошта. Во училиштата се пристигнати екипи на МВР со кучиња трагачи, а децата се изнесени надвор и се ослободени од настава, дознаваме од извори во училиштата.

На учениците кои треба да почнат со настава во попладнвна смена им е јавено од соученици дека не треба да тргнуваат или да се вратат бидејќи наставата се откажува по дојавите за бомби. 

Случајот го потврдува и Министертвото за внатрешни работи кои велат дека до СВР Скопје е пријавено дека на меил адреси на пет училишта во Скопје е упатена закана за поставена бомба. 

- Веднаш по добиената пријава, од полициски службеници се преземени мерки за безбедно евакуирање на училиштата и во тек се антитерористички проверки и се преземаат мерки за раасчистување на случајот – информира МВР.

Меѓу средношколиците веќе се шири веста дека има дојава за бомба, па многу од нив ги информирале родителите, кои сега исто така се прашуваат за што станува збор. 

Засега, од она што е познато поради со закана за бомби се испратени до пет средните училишта во главниот град, и тоа „Орце Николов“,  „Никола Карев“, „Јосип Броз Тито“,„ Раде Јовчевски-Корчагин“ и АСУЦ „Боро Петрушевски“.