ПЕТСТОТИНИ ДОМАЌИНСТВА ОД ЧАИР БЕЗ ПАРНО: Топланата Скопје север не смее да работи на мазут

Добивај вести на Viber

Поради немање финансиски средства за цел месец однапред да платат за гас, а поради тоа што Град Скопје не им дозволил да испорачуваат греење со помош на мазут, Топланата Скопје Север од денес не може да испорачува парно до петстотини домаќинства.

Директорот Куштрим Рамадани, во изјава за „Фактор“ истакна дека биле исклучени од системот. 

- Испративме известување до Град СКопје согласно еколошката дозвола дека ќе почнеме да работиме со мазут. Вечерта дојде инспекција, која измери издувни гасови и добивме решение за забрана за работа на мазут. Ние не сме во можност да испорачуваме топлинска енергија сега.  Преговараме со ЕСМ да ја земат топланата под закуп, но има процедура која трае, треба одбор на доверители кои треба да гласаат, треба собрание да се свика... Нечовечки е стари луѓе, деца, сите тие граѓани да останат без греење во овие студени денови - истакна тој.

Тој нагласи дека во 2021 година биле потрошени 105 тони мазут во земјава, а ним им се потребни 20 тони и заради тоа се смета дека ќе направат еколошка катастрофа, а тоа се 0,4 промили во однос на вкупно потрошеното.

Факт е дека гасот е поеколошки енергенс од мазутот.