Пивара Скопје најави отпуштања – организациски се реструктуира!

Добивај вести на Viber

Пивара Скопје крати 13 работни позиции, во сеопфатна програма за реструктуирање, со финансиски пакет од 24 плати по вработен. Еве го целосното соопштение од компанијата:

Пивара Скопје е одговорна македонска компанија, дел од глобалните системи на Coca-Cola и Heineken и работи во согласност со локалните закони и тековните пазарни услови целосно почитувајќи ги сите стејкхолдери.

Соочени со тековните предизвици на домашниот и светските пазари, Пивара Скопје е во процес на организациско реструктуирање кој дополнително ќе ја зајакне целокупната перформанса на компанијата и ќе ја обезбеди нејзината одржлива иднина. Меѓу другото, процесот се однесува на околу 13 работни позиции, од кои дел се од несуштински дејности на компанијата, а останатите се засегнати од процесот на модернизација на производството. Подготвена е сеопфатна програма за реструктуирање. Водејќи сметка за социјалната сигурност на сите кои се вклучени во овој процес и во согласност со својата политика и традиција на корпоративна општествена одговорност, со Програмата за реструктуирање се дава можност за финансиски пакет од 24 нето плати по вработен. Ова е значително поголем износ од оној кој е дефиниран со закон. Исто така, Пивара Скопје ќе организира соодветни обуки наменети за зголемување на нивната конкурентност на пазарот на трудот, а кои се предвидени во Програмата. Програмата за реструктуирање ќе биде имплементирана транспарентно, во соработка со вработените, согласно јасно дефинирани и прецизни критериуми во согласност со роковите и процедурите утврдени со закон и преку активен дијалог со сите засегнати страни. Паралелно со овој процес, Пивара Скопје АД продолжува со интензивни инвестиции во производството на пиво и безалкохолни пијалаци каде што над 50 милиони евра беа инвестирани само во последната деценија. Целта на овие два паралелни процеси, интензивни инвестиции и континуирано зголемување на продуктивноста и ефикасноста, е да обезбеди одржлива иднина за компанијата и да го задржи своето силно позитивно влијание на заедницата на која припаѓа.